25 желтоқсан Халықаралық Психологтар күніне орай аудандық мерекелік іс-шара өтті.

Шығыс Қазақстан облысы, Аягөз ауданы"К. Бозтаев атындағы қазақ мектеп-гимназиясы"КММ-де 25 желтоқсан Халықаралық Психологтар күніне орай аудандық мерекелік іс-шара өтті. Мерекелік іс-шараны Аягөз аудандық білім бөлімінің басшысы Нұрғали Тілекқалиұлы мерекемен құттықтап, ашып берді. Шараның мақсаты: психолог мамандығына деген оң көзқарасты қалыптастыру, психолог мамандығының маңыздылығы туралы түсінік беру. Жағымды көңіл-күй тудыру, педагог-психологтар ұжымын біріктіру.
Шара барысында Аудандық ғылыми және білім беру қызметкерлері кәсіподақ ұйымының төрайымы Ещанова Сәуле Мұқановнаға құттықтау сөз берілді.Сонымен қатар Аягөз аудандық білім бөлімінің әдіскері Әміреева Алтын Ералиевна, және Аягөз ауданының Полиция бөлім бастығының міндетін атқарушы Абишев Қуаныш Нұрлыбекұлы
құттықтау сөз сөйлеп, ізгі тілектерін білдірді.