Мұқағали Мақатаевтың туған күніне орай «Мен өмірді жырлау үшін келгенмін...» атты аудандық Мұқағали оқулары өткізілді.

Ақпан айының 9 күні аудандық білім бөлімінің оқу, ғылыми ұйымдастырушылық әдістемелік кабинетінің жылдық жоспарына сәйкес,аудандық білім және ғылым беру қызметкерлері кәсіподақ комитетінің төрайымы Сәуле Мұқанқызының демеушілігімен қазақ тілі мен әдебиеті пәні жас мамандарының арасында “К.Бозтаев атындағы қазақ мектеп - гимназия” КММ - де қазақтың ақиық ақыны,қазақ поэзиясының алатаудай алыбы, ғасыр ақыны Мұқағали Мақатаевтың туған күніне орай «Мен өмірді жырлау үшін келгенмін...» атты аудандық Мұқағали оқулары өткізілді.
Байқаудың мақсаты:
Қазақтың ақиық ақыны, артына айрықша өшпейтін із қалдырған Мұқағали Мақатаев пен халықтың жүрегінен орын алған поэзия падишасының өлеңдерін жастар арасында насихаттау. Сайыс басталмас бұрын аудандық білім бөлімінің оқу, ғылыми ұйымдастырушылық әдістемелік кабинетінің меңгерушісі Маликова Жанар Ыдырысқызы мен ардагер Ұстаз Жамауова Алтынжан Омарқызы құттықтау сөз сөйлеп, сайысқа қатысып отырған жас мамандарға сәттілік тіледі. Сайыстың ашылу сәтінде ақынның «Шәмілге жазған хаттардан» атты өлеңінен мектеп директоры мен мұғалімдердің қатысуымен сахналандырылған қойылым қойылды.
Сайыстың қорытындысы бойынша мектебіміздің жас маманы,қазақ тілімен әдебиеті пән мұғалімі Қамшыгер Жарқын Талғатұлы "Бас жүлде" жеңіп алды. Құттықтаймыз!