«Бала тәрбиесі – ортақ міндет» /Заң мен тәртіп контексінде/ "К.Бозтаев атындағы қазақ мектеп-гимназиясы" КММ-де жаңа оқу жылындағы №1 жалпы ата-аналар жиналысы өтті.

Жиналысқа 1–11 сынып оқушыларының ата-аналары, мектеп әкімшілігі және мектеп инспекторы қатысты.
Жиын барысында аудандық білім бөлімінің басшысы Н.Т.Азимбаев ата-аналарға заң мен тәртіп, бала қауіпсіздігі, кәсіптік бағдар беру және басқа да маңызды бағыттар бойынша жан-жақты ақпарат берді. Сонымен қатар ата-аналардың көкейіндегі жеке сұрақтарына жауап беріп, ұсыныс-пікірлерін тыңдады.
Жиналыстың қорытынды бөлімінде мектеп директоры Гулнар Тұрсынкұлқызы бала тәрбиесіндегі ата-ана мен мектептің өзара ынтымақтастығына тоқталып, оқушылардың психологиялық ахуалы, мектеп формасын сақтау, мектептің ішкі тәртібі туралы маңызды ақпарат беріп, ата-аналарға бірлескен жұмыстың маңыздылығын атап өтті.
Бала тәрбиесі – ата-ана мен мектепке ортақ жауапкершілік.
Балаға дұрыс бағыт беру, қауіпсіз орта қалыптастыру және сапалы тәрбие беру – баршамыздың ортақ міндетіміз!