"Мамандық таңдау" тақырыбында Аягөз аудандық полиция бөліміне экскурсия
"К.Бозтаев атындағы қазақ мектеп-гимназиясы"КММ -ның 9-сынып оқушылары арасында 2022 жылдың 16 қараша кәсіптік бағдар бойынша "Мамандық таңдау" тақырыбында Аягөз аудандық полиция бөліміне экскурсия жасады. Полиция майоры Тортенова Марал Оралтайқызы бөлімшенің музейі мен таныстырды. Музей қорында көптеген жәдігер бар: криминалдық қарудың арсеналы, қызметтік міндеттерін атқарған кезде қаза тапқан қызметкерлердің жеке заттары мен киімдері, түрлі құжаттар, фотосуреттер. Аягөз АПБ кезекші бөлімі бастығы полиция подполковнигі Абенжанова Рахима Нұраққызы заманауи бейне камералармен таныстырып, қаламызда 200 жуық камера жұмыс істейтінін, көлік апаты, бұзақылық, абаттандыру ережелерін бұзу – бейне камералар құқық бұзушылардың жүрген жерін анықтауға, қоғамдық және жол қауіпсіздігін қамтамасыз етуге мүмкіндік беретіні туралы балаларға толық мәлімет берілді. Аягөз ауданының полиция бөлімі кәмелетке толмағандар істері жөніндегі учаскелік полиция инспекторы аға лейтенанты Толегенова Асель Советханқызы бірінші орында тәртіптің, білімнің орын алуы және мамандық туралы әңгіме жүргізілді. Бұл мамандықтың, яғни полиция қызметкерлерінің жұмыстарының қиындықтары мен жауапкершіліктері туралы айтылды. Бұл мамандыққа алдын- ала дайындалу керектігін, тосыннан таңдау болмайтынын да айтып өтті. Білім алушылардың қызығушылықтары артып, маман иелерімен сұрақ-жауаптарымен толықтырылды. Кездесу қызықты өтті. Жауапты кәсіби бағдар беруші педагог Орынтаева А.Т.
