Баскетболдан турнир
[media=https://www.instagram.com/p/Cc3EeQXIvIb/]
Мухамедиев Нұрахмет Имәмәдиұлы Аягөз ауданы, Ақшатау ауылында 1917 жылы дүниеге келген. 1925-1933 жылдары Сергиополь ауылындағы орта мектебінде оқып, 1933-1935 ж Алматы қаласындағы педагогикалық колледжде дене шынықтыру мамандығы бойынша білім алады. 1935 ж №8орта (қазіргі К.Бозтаев атындағы қазақ-мектеп гимназиясы) мектепке мұғалім болып жұмысқа орналасып, 1939 ж Военкаматтың бұйрығымен Грозный қаласындағы әскери училищеге оқуға түсіп 1941 жылы оқуын аяқтап, 1941-1945 ж Ұлы Отан соғысына майданға аттанады. Нұрахмет Имәмәдиұлы Ленинград облысында болған шайқастарға қатысып, соғыста көрсеткен ерлігі үшін ІІ, ІІІ даңқты Қызылту медальдарымен марапатталады. Шайқастардың бірінде жараланып, госпитальда ем алып, қайтадан майданға аттанады. Сталинград қаласы үшін шайқасқа қатысып, ерекше ерлігімен көзге түскен жерлесіміз «Ерекше ерлігі үшін» медалімен марапатталады. 1945 ж соғыс аяқталған соң әскери тапсырмамен Шығыстағы соғысқа қатысты ( Жапония мен Қытайды азат ету) 1947 ж Шығыстағы соғыстан аман - есен оралып, 1947 жылы Аягөз қаласындағы № 8 мектепте өз мамандығы бойынша жұмысын жалғастырды. Осы мектепте ұстаздық қызметін адал орындағаны үшін Озат Ұстаз медалімен марапатталып, білім саласындағы жетістіктері үшін бірнеше мақтау қағаздарымен мадақталды. Осы мектепте Нұрахмет Имәмәдиұлы 50 жыл қызмет атқарды.Мектебімізде соғыс ардагерінің есіміне арналған ұлдар арасында баскетболдан турнир жыл сайын өткізіліп тұрады.
